Sagramenti

Griżma tal-Isqof partikolari u informazzjoni oħra

24/03/2026

Proċeduri marbuta mas-sagrament tal-Griżma tal-Isqof partikolari.

Riti tal-Griżma tal-Isqof li, minħabba l-ħtieġa, jiġu ċċelebrati fl-Isptar Mater Dei, għandhom jiġu reġistrati fir-reġistru tal-parroċċa tad-domiċilju (iġifieri ta’ fejn joqgħod il-kandidat).
Il-Kappillani fl-Isptarijiet għandhom iżommu nota tal-Griżma u jgħaddu d-dettalji lill-Kappillani tad-domiċilju.

F’każ ta’ persuni li jirċievu l-Griżma tal-Isqof f’parroċċa f’Malta filwaqt li kienu mgħammda barra minn Malta, il-Kappillan huwa responsabbli wkoll li jinforma lill-parroċċa barra minn Malta dwar dan is-Sagrament.

Iċ-ċelebrazzjoni tal-Griżma tal-Isqof tkun iċċelebrata mill-Ordinarju tal-post jew minn delegat li jappunta hu.

24/03/2026

Proċeduri marbuta mas-sagrament tal-Griżma tal-Isqof.

Sabiex persuna (kandidat) tkun tista’ tirċievi is-sagrament tal-Griżma tal-Isqof:

Trid tkun mgħammda.
Trid tkun għalqet 12-il sena jew iżjed, fl-istess sena li ssir il-Griżma.
Segwiet kors ta’ tagħlim/katekiżmu li jwasslu għall-qrar u t-tqarbin.
Segwiet kors ta’ tagħlim/katekiżmu li jwasslu għas-Sagrament tal-Griżma tal-Isqof.

Iċ-Ċertifikat tat-Twelid tal-Insinwa (il-kbir A3) tal-kandidat.
Ċertifikat tal-Magħmudija tal-kandidat.
Il-Karti tal-Identità tal-ġenituri.
Jekk il-kandidat agħmel il-katekiżmu f’parroċċa/ċentru ieħor:
1. Nota ta’ attendenza mill-parroċċa/ċentru/MUSEUM li juru li l-kandidat verament tħejja biex jirċievi dan is-sagrament.
2. Permess mill-kappillan tal-parroċċa fejn għamel il-katekiżmu.
Fil-każ ta’ ġenituri separati, adottivi jew kustodji legali, id-digriet tal-kustodja tal-qorti ċivili.
Jekk il-kandidat se jagħmel il-Griżma f’parroċċa oħra: Il-formula Permess biex sagrament jiġi amministrat f’parroċċa oħra. [ Niżżel il-formola ]

Imla l-formula Informazzjoni għar-Reġistrazzjoni tas-Sagrament tal-Griżma tal-isqof [ Niżżel il-formola ]
Itlob lill-ġenitur/i jiffirmaw il-formula.
Spjega l-għażla u r-reġistrazzjoni tal-parrinu/a:
1. Il-ġenituri jridu jagħżlu persuna li taqdi r-rwol ta’ parrinu/a. Din trid tkun:
  1. Raġel jew mara, li mhux il-missier jew l-omm tal-adoloxxenti.
  2. Minn 16-il sena ‘l fuq.
  3. Għamlet il-Magħmudija u l-Griżma tal-Isqof.
  4. Tgħix it-tagħlim Nisrani, titlob u tirċievi regolarment is-Sagramenti tal-Qrar u t-Tqarbin.
  5. Tifhem id-dover tiegħu/tagħha li tgħin lill-ġenituri fir-responsabbiltà tagħhom li jgħinu lil uliedhom biex jikbru fil-fidi Nisranija, iħarsu l-kmandamenti u t-tagħlim Kattoliku u jħobbu lill-proxxmu kif għallimna Ġesù.
2. Agħtihom kopja tal-formola Dikjarazzjoni tal-parrinu/a [ Niżżel il-formola ] sabiex timtela mill-parrinu/a u terġa tinġieb fl-uffiċċju parrokkjali.
Informa lill-ġenituri bid-data u l-ħin tal-Griżma, il-proċeduri ta’ ritratti u filmati u d-dettalji tal-laqgħat ta’ preparazzjoni għall-ġenituri u l-parrini.

Irreġistra il-Griżma fir-reġistru tal-Griżma tal-Isqof.
Niżżel nota marġinali fir-reġistru tal-Magħmudija.
Daħħal ir-reġistrazzjoni fis-sistema tal-Parish Management [ Iftaħ is-sistema].
Arkivja d-dokumenti kollha tar-reġistrazzjoni.
Ibgħat in-Notifika li saret griżma fil‑Parroċċa tiegħek mill-User Area ta’ parrocci.knisja.mt [ Iftaħ il-link ] bid-dettalji tal-kandidati li tgħammdu f’parroċċa oħra.